×
Téléchargez la nouvelle application
my2M
Bien plus que la télé
Installer
الآن
بالدارجة: اشنو هي الحوايج لي ممكن نديروها باش نحميو ريوسنا من كورونا؟
صحة

بالدارجة: اشنو هي الحوايج لي ممكن نديروها باش نحميو ريوسنا من كورونا؟

أسامة طايعأسامة طايع
whatsapp share

بعد توالي الإصابات بفيروس كورونا ، كثر القيل والقال فموضوع الحماية من الفيروس ،الحاجة لي خلات بزاف الافكار والسلوكيات الخاطئة تنتشر على مواقع التواصل الاجتماعي،  ولي ممكن يكون عليه انعكاسات صحية علينا وحنا فحالة الحجر الصحي ، 2M.MA حاولات تجمع أهم الإجراءات والتدابير لي نصحات بها منظمة الصحة العالمية وإرشادات السلطات الصحية ، من أجل تفادي الإصابة بفيروس كورونا الجديد.

بالنسبة لأي واحد فينا  باش يحمي راسو خاصو يدير مجموعة من الإجراءات،  لي تاتوصي عليها منظمة الصحة العالمية ، بحال غسل ا اليدين بالصابون والماء أو معقم اليدين بشكل دائم .

حتى  لدابا ماكين حتى علاج محدد للمرض لي تيديرو فيروس كورونا المستجد، داكشي علاش خاصنا نديرو الحجر الصحي في اطار التباعد الاجتماعي ، لي تيسمح للسلطات الصحية تسيطر على الوباء وتعالج الحالات لي محتاجة للرعاية الطبية، بلا ضغط او انهاك لقدراتها وامكانيات المحدودة 

من اهم الاجراءات الحمائية ،فحال عطسنا  خاص نغطيو الأنف والفم بمنديل أو بمرفقة الذراع ديالنا وخاصنا نغسلو يدينا بالماء والصابون  كل مرة باش نقصو حالة امكانية الاصابة .

تيطرح سؤال علاش كلشي تينصح بغسيل اليدين بالصابون حيث تيبان اجراء عادي جدا وبلا أثر ، وهنا خاص نوضحو مزيان، ان على عكس ما هو مشاع انه عادي وماشي شي حاجة ممكن الواحد يحمي بيها راسو،  تبقى الماء والصابون اقوى سلاح فيدينا ، حيث المادة الوحيدة الكفيلة بتفكيك المادة الذهنية ديال الفيروس ، هي الصابون، وهنا ممكن نرجعو لتاريخ باش نعرفو ان اجراء غسل اليدين وتعقيمها قبل العمليات الطبية،  كان واحد الوقت، سبب هام وثوري فالطب ، و تخفيض نسب وفيات الرضع والأمهات بعد الولادة .

المختصين ديال الصحة  تينصحو بتجنب تلمس عينيك أو أنفك أو فمك بأيدي غير مغسولة و تنظيف وتطهير الأشياء والأسطح ،بحال المكتب ،طبلة ديال الصالون الصغير ،الأبواب والشراجم وما تنساوش التيلفونات التليكوموند ديال التلفزة، خصوصا الى كانتي عايش مع اسرة كبيرة .

 ومن النصائح المعمول بيها تجنب المخالطة اللصيقة مع أي شخص تظهر عليه أعراض نزلات البرد أو الإنفلونزا وفي حال كانو عندك حيوانات  من الاحسن طيب ليهم ما ياكلو وتجنب التعامل مع الحيوانات البرية أو حيوانات الفريمات الحية دون استخدام وسائل الوقاية الشخصية.

بالاضافة الى هذا التدابير، الواحد مطالب بالحفاظ على مسافة من الأشخاص وتفادي المصافحة باليد والعناق ، وخاصنا فهذا الحالات نحاولو تطوير سلوكيات خاصة للحماية الشخصية، على سبيل المثال فعوض الضغط بالإصبع على زر المصعد ، طلع فالدروج ولا خدم بمنديل باش تخدمو ، والاهم تفادي الأماكن و البلايص لي فيها بزاف الناس وتهوية ضعيفة .

لكن بحال أرباب العمل والعاملين اشنو خاصهوم يديرو باش يحميو راسهم من العدوى، وهنا كاين بزاف الحلول، بحال العمل من البيت، خصوصا الناس المريضة والمعرضين للخطر وهنا خاص إبعاد الموظفين لي عندهوم أعراض إصابة في جهاز التنفس على باقي العاملين وإرسالهم إلى البيت.

وخاص تأمين الهواء النقي داخل أماكن العمل  وتأمين وسائل نظافة اليدين، مثل الصابون ووسائل التعقيم ، وتنظيف لوحة مفاتيح الحاسوب او الماكينات المشتركة في العمل وخاص الموظفين الأصحاء لي عندهم مصاب في العائلة ، خاصهم إشعار رب العمل لاتخاذ الإجراءات اللازمة.

وباش نختمو هذا المقال، خاص نبهو لخطورة بعض الخلطات الكيميائية لي ممكن تكون ضرر على صحتك، بحال تخلط الخل والجافيل واليود وغيرها من الخلطات لي تم تداولها فواتساب ، جفيل مثلا كافي للتعقيم وغير معلقة او جوج وسط كمية كبيرة من الماء .

والاكثار من الخل مثلا عندو مخاطر خطيرة على الصحة ، وحتى وصفات اوراق الكالييبتوس وغيرها من الاعشاب والوصفات الشعبية كاين مخاطر كبيرة على القصبة الهوائية وصحتك عموما، لي خاص فهذا المرحلة انتبهو للنظافة الشخصية والحفاظ على المسافات الامنة باش ما نتعاداوش وما نعاديوش.

السمات ذات صلة